मनशा / manasha

हामी नेपाली

2012-02-02T11:09:00.001+05:30

कति भलादमी भने
लुट्न पनी
पैसा तिरी-तिरी लुट्छौँ ।
विदेशमा भा भे
के गर्थे कुन्नि ?

(प्रसंग : LP ग्याँस अभाब, ग्याँसको गाडीबाटै उपभोक्ताले ग्याँस लुटे)

फुर्सद

2012-01-15T00:56:00.001+05:30

असन चोक
न्युरोड गल्ली
बसन्तपुरको ठेला..

कहाँ जाउँ म ?
मागेर पाए माग्थे
किनेर पाए किन्थें ।

त्यो फुर्सदमा
मलाई मन पराउने
मान्छे सँग
कफी पिउदै बस्ने
झिनो चाह !

ह्याकर्स चौतारी

2011-12-17T23:09:00.001+05:30

ह्याकर भनेको
चोर हो भनेर बुज्ने
हाम्रो समाजलाई
त्यसको अल्लि ज्ञानी
मेहनती, उत्साही अनी
म पनी केही गर्न सक्छु भन्ने
अर्थ नी हुन्छ है
बुझाउनु
र
ह्याकर्स चौतारी
अनलाईनमा एउटा राम्रो
गफ गर्ने थलो हुन सक्छ भनेर
विश्वास दिलाउन सक्नु
यो समाजमा
हामी मात्रले कहाँ गर्न सकौँला र ।

झिनो
प्रयास न गर्ने हो ।

सन्तोष

2011-12-17T23:02:00.001+05:30

जत्ति छ
त्यत्तिले पुग्छ ।
अनी जे छ
त्यसैमा सबै छ ।

बेपार

2011-12-17T23:00:00.001+05:30

बेपार गर्ने मान्छे
त्यतिबेला खुसी हुदों हो

जुन बेला उसका
ग्राहक खुसी हुदाँ हुन् ।

विश्वास

2011-12-17T22:41:00.001+05:30

पढेर विश्वास नलागेको
लेख्दा लाग्छ रे ।
सुनेर विश्वास नलागेको
देख्दा लाग्छ रे ।

लेखाई

2011-12-17T22:37:00.001+05:30

कुनै ताका
यस्तो लाग्थ्यो -

मैले
भन्नु पर्ने कुरा
लेखेँ ।

अनी

मैले
लेख्नु पर्ने कुरा
भनेँ ।

बिछोड

2011-12-17T22:34:00.001+05:30

बिछोडको
बानी परेकाहरुलाई
फेरी अर्को बिछोड
के नै हो र ?

उपस्थिति

2011-12-17T22:31:00.001+05:30

तिम्रो उपस्थिति
मेरो लागि
स्वर्ग थियो होला ।

तिम्रो बोली
मेरो लागि
संगीत थियो होला ।

तिम्रो भरोशा
मेरो लागि
आधार थियो होला ।

तिम्रो साथ
मेरो लागि
अनन्त थियो होला ।

र त म
तिमीसामु
कहिल्यै नभएको खुसी हुन्थेँ ।

स्वार्थ

2011-12-12T19:59:00.001+05:30

प्रेमीहरु
स्वार्थी हुन्छन ।

बेचैनी

2011-12-12T19:57:00.001+05:30

पुष लाग्दै गर्दाको
जाडो भएको भए
ह्वार्-ह्वार्ती आगो बालेर
ताप्नु हुन्थ्यो ।

सम्बन्धहरु

2011-12-12T19:53:00.001+05:30

चाहिएन
वास्ता लाग्दैनन् ।
चाह्यो
मिल्दैनन् ।

जाडो

2011-12-12T19:48:00.001+05:30

आफैले
आफैलाई छुँदा पनी
अरु कसैले छोए जस्तो ।

जिन्दगी

2011-12-10T17:01:00.001+05:30

ठिकै छ
जिन्दगी यस्तै हो भने
यस्तै सहि ।
[61]

लेख्नेहरु

2011-12-04T21:23:00.001+05:30

कोहि
आफ्ना लागि लेख्छन ।
कोहि
लेख्नका लागि लेख्छन ।
अनी कोहि
"समय" का लागि !
[60]

आर्ट

2011-12-04T21:21:00.001+05:30

शब्दले मात्र
मन पोख्न मिल्ने भए,
आर्ट किन बन्थ्यो होला र !
[61]

दुनिया

2011-12-04T21:20:00.001+05:30

कहिले लाग्छ
दुनियामा केही छैन ।

कहिले लाग्छ
दुनियामा के छैन ?
[61]

स्वार्थी हरु

2011-12-04T21:19:00.001+05:30

कहिले कहिँ लाग्छ
अनुभवीहरु
अनुभवहिनका
अनुभव प्रति
फगत हाँसीरहेछन ।

आफू हिन्ने बाटो
फगत मेट्दै हिनिरहेछन् ।
स्वार्थी हरु !

[61]

”experienced are laughing at the experiences of inexperienced, instead of guiding them”

कुरा

2011-12-04T21:17:00.001+05:30

तर के गर्ने ।
सोच्नु
बोल्नु
र गर्नु
फरक कुरा भए ।
[61]

उमेर

2011-12-04T21:16:00.001+05:30

म
धेरै कुरामा
उमेरलाई दोष दिने मान्छे ।
[61]

समाज

2011-12-04T21:15:00.001+05:30

यो समाजका
कपोलकल्पित परियोजनाहरु
अनी
मेरा अचम्मका योजनाहरुको
बीच हुँ म ।
र मलाई सोध बीचमा तड्पीदा को पीडा ।
[61]

क्षणहरु

2011-12-04T21:14:00.001+05:30

मान्छे
कति सजिलै
हाँसी-हाँसी
क्षणहरु टारीदिन्छन ।
[61]

दोष

2011-12-04T21:13:00.001+05:30

मेरो पनी हो ।

आफुलाई
चिनेको मान्छेले
आफुलाई सुधार्न
सक्नुपर्ने ।

[61]

कर

2011-12-04T21:11:00.001+05:30

सरकारले
कर भन्ने शब्दको साटो
अर्कै शब्दमा तिराउनु पर्ने ।

मन नलाई नलाई,
फोनमा बोलेको जस्तो
अनी
चाह नहुदा नहुदै
उपस्थित भए जस्तो ।

तिरेको
कसलाई मन पर्छ र ?

पलहरु

2011-12-04T21:08:00.001+05:30

नबोल्दा
बुझिने गरी
नबोल्ने पल ।

नभेट्दा
तड्पीने गरी
नभेट्ने पल ।

नभन्दा
सुनिने गरी
नभन्ने पल ।

नबिर्सिन सकिने ।

आत्मियता

2011-12-04T21:05:00.001+05:30

कसैले भनोस् भनिएको
आशा गरिएको कुरो
अन्यत्रबाट थाहा हुँदा
त्यहाँ खबर होला
खुसी हुदैन ।

रमाउदै TV हेर्दा
अखबार पढ्दा
नभए हुन्थ्यो भनेको कुरो
थाहा हुँदा
त्यहाँ मानवता होला
आत्मियता हुदैन ।

आफ्ना

2011-12-04T21:04:00.001+05:30

बोलेको नबुज्नेहरु
धेरै हुन्छन ।

बोलेको बुज्नेहरु
अल्ली कम हुन्छन ।

नबोलेको पनी बुझ्नेहरु
सारै कम हुन्छन ।

यी, आफ्ना हुँ ।

सम्बन्ध

2011-12-04T21:03:00.001+05:30

आफूले नमागी
सास त पाइन्न भने
सम्बन्धको के कुरा गराई भो र ।
[61]

समय

2011-12-04T21:01:00.001+05:30

त्यो
आफ्नो सुरमा
हिनीराथ्यो !

म बिग्रीराछु भनेर
रोकिने कुरो भएन ।
[61]

guess

2011-12-04T20:59:00.001+05:30

आफुलाई care गर्नेहरु
आफ्नो अवस्थाबारे
guess
मिलाउछन ।
[61]

बानी

2011-12-04T20:56:00.001+05:30

ठूलो कुरो आँटेपछि
थाती राख्ने बानी लाग्छ रे ।

एउटा आट्ने
आज सक्ने ।

भोली के छ
कसैलाई थाहा छ ?
[61]

सुन्नु

2011-12-04T20:55:00.001+05:30

मान्छे भयसी
सुन्नु पर्छ,
सुन्न खोज्नु पर्छ,
सुन्न सक्नु पर्छ ।
[मित्र]

त्यत्तिकै

2011-12-04T20:53:00.001+05:30

सुत्दै
लेख्दै
सोच्दै
सम्झदै
धिक्कार्दै
उतार्दै
फलाक्दै छु ।
[61]

सिकाई

2011-12-04T20:50:00.001+05:30

सिक्नु भन्दा
सिकेको बिर्सिनु गारो हुन्छ ।
त्यसैले,
सिकाऊनेहरु हो
दुई पल्ट सोच्नु !

[61]

सल्लाह

2011-12-04T20:49:00.001+05:30

आफूलाई,
उसले सल्लाह दिन्छ
जसले ख्याल गर्छ ।

[60]

Newton

2011-12-04T20:48:00.001+05:30

Newton को idea सिक
संसार बुझ
भनेर लगाए ।

आफ्नै तरिकाले
बुझ्न देऊ भनेर
मनमनै मागेथें ।

[60]

निस्कर्ष

2011-12-04T20:45:00.001+05:30

मन
मस्तिष्क
जम्मै
एकै ठाउमा राखेर,
म,
कसैको बारेमा सोच्दै छु ।
म निस्कर्ष खोज्ने मान्छे ।

[61]

प्रेमी

2011-12-04T20:42:00.001+05:30

बारी-बारी हेर्ने
तिम्रा नयनमा
लट्ठीने मान्छे ।

तिमीसंग हुदाँ
आफू-आफैलाई
बिर्सिने मान्छे ।

मौनता

2011-12-04T20:29:00.001+05:30

कुनै आभाष बिना
मौनताको अर्थ बुज्ने मन
कसलाई लाग्ला र ?

सम्हालेका शब्दहरु
एकमुस्ट दिने सोच सायद !

नत्र
तोप झैँ पड्किने
तिम्रो आदत
म किन सम्झिन्थें ।

जीवन

2011-10-23T23:26:00.001+05:30

जीवन
जस्तो सोच्यो
त्यस्तै बन्छ ।
[60]

आफ्नो

2011-10-23T23:24:00.001+05:30

दिमागले
जहाँबाट परसम्म
सोच्न सक्दैन
त्यहाँसम्मको चिजलाई
आफ्नो सम्झिनुपर्छ ।
[60]

राम्रो कुरा

2011-10-23T23:21:00.001+05:30

आफ्नो कुरो
आफूलाई त
राम्रो नै लाग्ने भो नी ।
राम्रो तब राम्रो
जब अरुलाई राम्रो लाग्छ ।
[61]

अस्पस्टता

2011-10-23T23:17:00.001+05:30

आफ्नो बोली अस्पस्ट हुनु
आफ्नो कमजोरी हो ।
शब्दमा सम्हालेको
सार बुझाउनु सक्नु पर्छ ।
नत्र बोलेको
लेखेको
के अर्थ ?
[61]

परिवर्तन

2011-10-23T23:11:00.001+05:30

यो
कुनै "म" बाट
सुरु हुने कुरा हो ।

बेनाम

2011-10-20T23:25:00.001+05:30

जोरेको कुरो ।
कसैको नामगरी किनेको कुरो ।
मागेको भए,
नासो हुन्थ्यो होला ।
चोरेको भए
पासो हुन्थ्यो होला ।
दिएको भए,
उपहार हुन्थ्यो होला ।
अनन्तकालमा नजुरेको समय !
र त्यो,
बेनाम भइदियो ।

भित्तामा पेन्डुलमको
सुई हल्लेजस्तो
सोचहरु हल्लिरहे ।
बेनाम,
त्यसै गरी हल्लिरहेथ्यो ।

कुनै पलको प्रतीक्षा सायद ।
त्यो पल
जुन आफ्ना लागि रचिएको होस् ।
वा सायद त्यो दिन
जुन आफ्ना लागि जन्मिएको होस् ।

जसको नाममा जोरेको
उसलाई दिने अठोट सायद ।

समय घुम्छ भन्थे ।
घुम्दो रैछ !
बेनामको न्वारन हुदै छ ।

बेनामले नाम पाउदै छ ।
अब त्यो नहल्लेला ।
र सोचहरु पनी ।

म

2011-10-20T23:24:00.001+05:30

समयको
आ-आफ्नो परिभाषा
हुदों रहेछ ।

मैले सोचेको
हाम्रो समय
र
तिमीले खोजेको
हाम्रो समय
सायद फरक रह्यो !

म,
म बिनाको
परिवर्तनमा
नरम्ने मान्छे ।

भेटघाट

2011-10-20T23:16:00.001+05:30

कामका लागि
सानो सल्लाहका लागि
नासोका लागि
भेट्नेहरु !

माहोलका लागि
एकछिन साथका लागि
हाँसोका लागि
भेट्नेहरु !

अनी
सन्चै हो नी ?
यत्तिकै देख्न मन थियो र ।
एकछिन संगै बसौँ भनेर ।
भेट्नेहरु ।

भेटघाटमा
म
अनी हामी
को कहाँ छौँ
खोज्दै छु ।

पहिलो भेट
र
तेश्रो भेट
साट्न नमिल्ने !

जिन्दगी

2011-10-20T22:55:00.001+05:30

त्यो कुनै पलको “भोगाई”
फेरी भोग्ने चाह गर्नेहरु ।
मान्छेहरु !

कोही गल्ती गर्छन ।
कोही प्रेम गर्छन ।
कोही जागीर अनी
कोही बिजनेस ।

कोही गाउँछन् ।
कोही नाच्छन् ।
कोही हँसाउछन् अनी
कोही रुवाउछन् ।

अरु यस्तै केही !

बाँकी
त्यो पल
बुज्दा नबुज्दै
सुतिसक्छन ।
हरेक दिन ।
हरेक रात ।

जिन्दगी
आफूले दोहोर्याउन चाहेका पल
बुज्नेहरुको !
बुज्न प्रयास गर्नेहरुको !

जन्मदिन

2011-10-15T23:45:00.001+05:30

कोहि जन्मिनु,
कसैका लागि जन्मिनु !

हर्केदाई र मान्छेहरु

2011-10-15T23:35:00.001+05:30

आजकल

मान्छेले
ट्विटर चलाउदैन ।
फेसबूक चलाउदैन ।
इन्टरनेट पनी चलाउदैन ।

आजकल

ट्विटरले मान्छे चलाउछ ।
फेसबूकले मान्छे घुमाउछ ।
इन्टरनेटले मान्छे थकाउछ ।

हर्के दाई
दश कट्ठा जग्गाको आली लगाएर थाक्दैनन ।
एक डोका साग
कराउदै बेचिसक्दा नी
ओठ सुकाउदैनन ।

गफ

2011-10-15T23:19:00.001+05:30

सोच ।
थोरै संकोच ।
दोधार ।
भन्नु की नभन्नु ?
फ्याँक्ने न हो ।

हावामा पुगेका कुराको
डेसटिनेसन आईपी हुन्न क्यार ।
जसले सिग्नल पक्ड्यो
त्यस्ले पड्कायो ।

भित्ताको नी कान हुन्छ रे ।
होस् ।

मध्यम लबज सुन्न
कान थाप्नु पर्दैन ।
फेरी आखाँ जस्तो,
कान चिम्लिन मिल्ने भए पो !

यो कुरो चित्त बुज्दो छैन ।
छेउ न टुप्पोको कुरा गर्छन मान्छेहरु ।
जाबो त्यति सानो कुरो थाहा छैन,
गफ हेर गफ ।
यस्तासँग बोल्नु त ब्यर्थ हो ।

वा

यस्ले के सोच्या आफूलाई ?
मान्छेले सुनें भन्दैमा जे नी बोल्ने ?
साला ।
पाखे ।

वा

”हो हो, हजुर । ”

वा

यस्तै केही,
जोत्ने न हो ।

बेथिति

2011-10-15T23:02:00.001+05:30

जिन्दगीका कुनै पल
आकाश खसोस,
धर्ति फाटोस,
आँधी आओस,
हुरी चलोस्,
सुध्रिन्नन !

जब,
बेथितिले घेर्छ,
घेर्छ !

परिवर्तन

2011-10-13T22:47:00.001+05:30

बिहान उठेर
ब्रस गर्ने ठुल्दाई
आजकल
ट्वीट हान्छन ।

यादहरु

2011-10-13T22:36:00.001+05:30

सीसाकलमले
कापीमा लेखेको भए
इरेजरले मेटिदिन्थ्यो होला ।

नयनले मन
अनी
मनले नयनमा
लेखेका यादहरु
कसरी मेटियलान र !

बेफुर्सद

2011-10-13T22:00:00.001+05:30

गफ-गाफ ?
भेटघाट ?
फुर्सद छैन ।
मिल्दैन ।
मिलाउन सकिन्न ।
यहाँ मान्छेलाई
टोलाउने फुर्सद छैन ।

चौतारी मुनी बसेर,
पीपलको हावा खादैं,
अब आउने तिहारमा
देउसी खेल्ने कुरो बुन्ने कस्ले ?

फर्पिङको नास्पती,
सकियो होला ।

पारी डाँडामा,
लालीगुराँस फुले अरे,
फूलुन ।

मनकामना घुम्न जाँदा,
खुसुक्क टिपेका सुन्तला
सुन्तला लाग्दैनन् यहाँ ।
बानेश्वोर चोकका सुन्तला पो सुन्तला ।

बेफुर्सद यस्तो लाग्छ
यहाँ बाँच्नेहरुलाई
बाँच्ने फुर्सद छैन ।

बोली

2011-09-14T22:32:00.001+05:30

मन छुनेहरुलाई
बोलीको के अर्थ
दृश्यको के रहर ।

स्वर्ग मानेको
तिम्रो उपस्थितिमा
त्यसैले, म बिलायेथें |

बोलीको अर्थ
बुझाई हुदाँसम्म
को तड्पीन्थ्यो र ।

बेला बित्दा
बोलीले
मन छुँदो रैछ ।

सम्बन्ध

2011-09-14T22:21:00.001+05:30

कुनै बेला
तिमीमा विश्वास नलाग्दा,
मैले
आफुँमा विश्वास गर्ने
सहारा भेट्दिन ।

नाच

2011-09-14T22:14:00.001+05:30

बूढीमाउ त जुरुक्क उठिन्
र क्यासेट फेरी रिवाइन्ड गरिन् ।
त्यही गीत आयो ।

झमझम पानी पर्यो अषाढको रात
पारिबाट बज्न थाले मकैका पात…

लट्ठी फालेर
सर्लक्क मेहरो मार्दै
उनि सिमलको फूलझैँ हलुङ्गो भइन्,
हात हल्लाएर नाच्न थालिन् ।

हावाले पात हल्लाएकोजस्तो भयो ।

मेरा हात पनि तानिन् ।
म उनीसंगै नाच्न खोज्दा
झमझम पानीमा रुझेको
मकैको बोटझैँ लुत्रुक्क परेछु ।

पानीले पात बजाएझैँ
मलाई सुस्तरी थप्पड हान्दै
उनले आफूसंगै फनफन घुमाइन् ।

नाच्न नजानेकोमा मैले थैया माने ।
ग्लानी भयो ।

[ पल्पसा क्याफे 7 ]

हजुरआमा र दुई शब्द

2011-09-14T22:03:00.001+05:30

“पढपढ”, उनले भनिन् -
“बूढीमान्छे, गन्थन मात्र आउँछ ।”

“तपाई राम्रो कुरा गर्नुहुन्छ हजुरआमा,
झिजो लाग्दैन ।”

“भन्दियौ नी !”

“मैले साँचो भनेको ।”

“ल बा,” उनले भनिन् -
“दुई शब्दले पनी सन्चो भो ।”

[ पल्पसा क्याफे 7 ]

अमेरिका / कलाकार

2011-09-14T21:50:00.001+05:30

“तिम्रो त अम्रिका जाने सुर छैन ?”

“हजुरआमाले मन्दिर यहीं छन्,
देउता यहीं छन् भन्नुभएको होइन ?”

“ए, तिमी पनी मन्दिर जान्छौ ? द्यौता मान्छौ ?”

“म चित्रकार हुँ हजुरआमा”,
“चित्रकारका लागि विषयवस्तु यहीँ छन्, रंग यहीँ छन् ।”

[ पल्पसा क्याफे 7 ]

पुरानो काठमाण्डौं

2011-09-14T21:44:00.001+05:30

सडकभन्दा अगाडि बिमानस्थल बनेको
र
मोटरभन्दा अगाडि जहाज चढ्ने नेपालीहरु बसेको
यो राजधानी ।

घरभन्दा बढी मन्दिर र मन्दिरभन्दा बढी देवता
भन्ने सुनेको सही हो भन्ने मलाई परिरहेछ ।

राति झ्यालमा टाढा कतै
बहालबाट आइरहेको मधुर भजन
एकोहोरो सुनिन्छ ।
कुनै गतिविधि छैन ।
सहरको कुनै आवाज छैन ।

रातभरि भजन भइरहेको
र
तेलको दियो बलिरहेको शान्त मन्दिर
आएर बसेजस्तै भईरहेछ ।

देउताका रुपमा
मैले त्यही हिमाली चुचुरो देखेको छु ।

माथी हिमाल छ
र तल
तेलको दियोको प्रकाशमा मन्दिरवरपर
भजन गाइरहेका मान्छेहरु छन् ।

[ पल्पसा क्याफे 7 ]

कलाकार र बुद्ध

2011-09-14T21:32:00.001+05:30

कलाकारसँग सकिदैन ।
उनीहरु अर्को संसार रचना गर्छन् ।
अर्कै भूगोल निर्माण गर्छन् ।
र आफूले चाहेअनुसारका पात्र बनाउँछन् ।

यी बुद्ध कस्तरी हेर्दै छन्
हेर्नेक आखैमा बस्ने गरी !

मैले मूर्ति बनाएँ भने
बुद्धका आँखा अर्कै बनाउन सक्छु ।
मेरो मूर्तिमर्फत
बुद्धले यस्तरी नहेर्न सक्छन् ।
ती बुद्धका आँखामा भ्रान्ति हुन सक्छ ।
म बुद्ध रचना गर्न सक्षम छैन ।

मैले बनाएँ भने
बुद्ध आवारा बन्न सक्छन ।
भो, बनाउन्न ।

बुद्धलाई बोधिसत्वप्राप्त
शान्तिका आँखामै रहन दिनुपर्छ ।

[ पल्पसा क्याफे 7 ]

चित्रकार

2011-09-14T21:21:00.001+05:30

चित्रकारका लागी प्रदर्शनी
लेखका लागि
पुस्तक प्रकाशनजस्तै हो ।

गायकका लागि
स्टेज परफर्मेन्सजस्तै हो ।

पत्रकारका लागि
बाइलाइन स्टोरीजस्तै हो ।

[ पल्पसा क्याफे 6 ]

रचना

2011-09-14T21:19:00.001+05:30

रचनाका लागी
तन्मय हुन सक्नुपर्छ ।

तनावलाई कसरी निकास दिने,
आफैमा भर पर्छ ।

[ पल्पसा क्याफे 6 ]

Semicolon Valley का चराहरु

2011-09-05T11:09:00.001+05:30

यहाँका कुखुरा अल्छी छन
साढे-आठमा बास्छ्न
भक्तपुरे जुजुधौ
साढे-छमा काठमाण्डौं छिर्दो हो !

यहाँका डाँफे
राजतन्त्र गएपछि
लोप भएको भान हुन्छ |
मुनालहरु,
लोकतन्त्र आएपछि !

यहाँका मयुरहरूको
नर्तकी कुन चाहिँ पिक्सारले
उतार्ला र !

यहाँका कोइली
संगीत रच्छन्
उस्तैलाई
सुरमा लठ्याउने गरि !
रचना गर्ने हरु,
शान्ती रुचाउँछन्,
स्टेबिलीटि खोज्छन,
आफुँ बसेको हाँगा,
कुन दिशाबाट आएको
हावाले कट्याक्क भाँच्नेहो
दोधारमा,
यो सुमधर संगीत कतिन्जेल गुन्जेला र ?

यहाँका परेवा,
पशुपतिमा शान्ती छर्छन |
पशुपति बाहिर
हाम्रा घरका परेवाका खोरमा
आजकल,
हावा अनि गुंज मात्र बाकि होलान |

यहाँका चिल अनि बाज,
मौका छोपेर बस्छन
यहाँका काग,
फुल चोर्छन |
गिद्दहरु,
पोज छाड्छन,
एउटा खुट्टामा उभिएर जिन्दगी ढुक्छन् |

त्यसैले,
आउनु र जानुको बिचमा,
साथ हुन्छ भन्नु कहिलेकाही भ्रम लाग्छ |

यहाँका चराहरु
टाइगर डाँडोको
भिस्याटमा बिस्ट्याएर,
महाबीर दाइको,
टोपी फोहोर पार्छन !

यहाँका डान्ग्रे हरु
साँझ पर्न साथ,
बाँस-घारीमा
जम्मा हुन्छन अनि
मोनोलग छांटछन् |
क का की की कु कु .. के कै कं क !

साइबेरियाका विदेशी चरालाई
मन परेको ठाउँ,
नेपाली चराहरुलाई,
खल्लो लाग्दो हो
झिजो लाग्दो हो |

यहाँका गौथली हरुले बनाउने घर,
सयौं बर्ष देखी,
उस्तै देखिन्छ |
राम्रो देखिन्छ होला |
परिवर्तन राम्रो की
न-परिवर्तन राम्रो भनेर के रुमलिनु छ र |
रुमलिने समयमा,
अर्को गुड बनिसक्ला |

एक ऋतुमा
एक सरकार
बदलिने हाम्रो देशमा,
बाँसघारी ताकेर,
दुई नाले बन्दुकले,
ड्याम्म हान्दा,
कति चरा उड्लान्
कति फटफटाउलान
अनि कति ढक्क
छाती फुलाउदै
म त गोर्खाली चरा पो त,
यस्ता नाथे ड्याम्म-डुम्म सँग डराउछु ?
कुर्लेलान !

यो नमिल्दो सुनिएला,
तर,
यहाँका चराले सोच्न थाले भने ?

बेपार / business

2011-09-02T23:21:00.001+05:30

आलु चाहिए....
प्याज चाहिए..
गोलोभेन्टा चाहिए..
हमारा पास सब कुछ हे माल्किन !

मालिक ले जाँड किन्थ्यो होला,
धन्य,
जाँड,
बाटो मा कराउदै बेचिन्न |

मान्छे चिन्नु,
खसी बेच्नु |

मनशा

2011-09-02T23:16:00.001+05:30

मिलाएर लेख्ने,
गमेर लेख्ने,
छामेर लेख्ने,
धेरै-सोचेर लेख्ने हुदों हो त,
सायद
मनशा लेखिन्नथ्यो होला !

सायद गजल लेखिन्थ्यो,
वा कविता ।

मनशामा पल लेखिन्छ ।
मनशा पल-पल लेखिन्छ |

बानी

2011-09-02T22:59:00.001+05:30

अक्सर
सबेरै उठ्नेहरू
किन उठ्लान ?

अक्सर,
छिट्टै सुत्नेहरु,
किन सुत्लान ?

आशक्ति / Passion

2011-09-02T22:52:00.001+05:30

ड्रम बजाउन बनाइएको हो..
यस्लाई बजाउनु पर्छ |

बजेन भने,
घाममा सेकाएर भएनी बजाउनु पर्छ..
ढाम्-ढाम् ठोक्नु पर्छ,
बजाउनु पर्छ |

#drum

भूपी

2011-08-29T21:52:00.001+05:30

दोहोरिन्छ की भन्ने डरमा,
भूपी ले लेखेनन !
हामी पनी नलेख्ने ?

शब्द दोहोरिउन,
पलहरु दोहोरिन्नन,
क्षणहरु दोहोरिन्नन |
अनुभवहरु फेरी कोरिन्नन |

फुर्सद

2011-08-29T21:46:00.001+05:30

मागेर पाइने कुरा रैनछ,
किनेर पाइने कुरा रैनछ,
खोजेर पाइने कुरा रैनछ |

बेच्न नमिल्ने कुरा रैछ,
लिन-दिन नमिल्ने कुरा रैछ |

माने हुने कुरा रैछ,
नमाने नहुने कुरा रैछ |

शंखमुल

2011-08-20T08:35:00.001+05:30

यहाँ,
के छैन ?
सब छ |

iPod छैन की,
ipad छैन की,
iphone छैन की,
itouch छैन की,
अनि,
ikaalu छैन की !
अर्को ikaalu,
अनि झन अर्को ikaalu छैन की |
icafe को हल्ला छैन की !

            -- तपाइको
               Steve
             शंखमुल

प्रेम पीडा

2011-08-19T22:42:00.001+05:30

धेरै,
ओकल्न नमिल्ने
र बगाउन नमिल्ने कुराहरु,
अनी,
टारीदिन मिल्ने हाँसोहरु,
र बिर्सिदिन मिल्ने शुक्रबारहरु,
पर्याय हुन्छन |

कोले प्रेम नगर्ला...
आफैँ आउने,
अनी नहराउने ती,
मिठा बोझ हरुलाई !

बानी

2011-08-19T22:39:00.001+05:30

बानी न हो,
मलाई चाख लाग्ने कुरो,
उसको मतलबको नहुन सक्छ !

मलाई,
मन पर्ने कुरो,
मन,
नपर्ने कुरो,
उसको अर्कै कुरो हुन सक्छ !

मैले,
बुझ्ने कुरो,
उसले,
नबुझ्न सक्छ
वा
बुझ्न नखोजेको कुरो हुन सक्छ |

म र ऊ,
एकै नहुम्ला,
हुन नसकौंला,
तै,
परिस्थिति,
समय,
काल,
अवस्था,
हेरेर,
मन नलागेको कुरो,
बुझ्न खोज्नु,
गर्न नजानेको कुरा,
सिक्न खोज्नु,
अनि,
जानेको कुरा अरुलाई,
दिन खोज्नु,
कोहि, कोहि लाई मात्र आउने कुरा रहेछन !

नत्र,
हामीबिच,
के फरक देखिन्थ्यो र !
सुनिन्थ्यो र !

म

2011-08-19T22:30:00.001+05:30

शब्दहरु,
झरुन,
नझरुन,
बाध्यता हुन सक्छ,
वा,
बिवशता,
अथवा,
खुसी पनी !
तै लेखिन्छ
वा,
टाइपिन्छ |

म,
नबोलेको भन्दा,
बोलेको,
अनि,
नलेखेको भन्दा,
लेखेको राम्रो मान्ने मान्छे !
समाजको,
अघि,
तिमीलाई,
बिर्सिएको मान्छे !
अनि मनमा,
यादहरु बोकेको मान्छे !

म,
प्रेम,
अनि,
समाज,
भन्ने शब्दहरु बिच,
पुल नभेटेको मान्छे !

म,
पौडी खेल्न,
डराएको मान्छे !

फुर्सद

2011-08-19T22:22:00.001+05:30

मैले,
मेरा लागि लेख्ने हो !
तिम्रा लागि,
अरुका लागि,
अनि,
उसका लागि,
लेख्ने,
फुर्सद किन्न पाइन्छ र ?

दोष

2011-08-19T22:21:00.001+05:30

देखाउनेहरु,
जेमा पनी देखाउन सक्छन !

लाज,
सरम,
थोरै,
आत्मग्लानी भन्ने कुरा हुन्छ !

नत्र कसले,
आँफू,
दोषी हुँ,
थिएँ
भन्ला र ?

बोस - hakim

2011-08-19T22:17:00.001+05:30

मानम,
एकछिन,
म,
तिम्रो बोस हुम्ला !

केही,
अराउम्ला |

काम,
धाम !
इत्यादी !

तिमी,
मान्दैनौ,
बुज्दैनौ,
गर्न खोज्दैनौ,
भने,
त्यो,
नबुज्नु, बुझ्न नखोज्नु,
नगर्नु, गर्न नखोज्नु,
सिधा तिमी सँग सम्बन्ध राख्छ !

मेरो काम,
तिमीलाई,
जानकारी दिनु हो,
त्यहाँ भन्दा पछी,
के हुन्छ,
कसो हुन्छ,
कसरि हुन्छ,
भन्दा पनी,
त्यो काम,
हुन्छ कि हुन्न ले,
बढो रोल खेल्दो रैछ !

#profession #job

समर्पण

2011-08-19T22:02:00.001+05:30

सुन्छु,
एउटा आधार चाँहीन्छ रे,
बाँच्न !

भरोसा,
अनि आशा चाँहीन्छ रे !
थोरै जोस,
अनि अल्ली बढी,
माया !

म,
यथा-स्थितिमा,
त्यसैले,
तिमीमा,
समर्पण हुन चाहन्छु !

विश्वास

2011-08-19T21:58:00.001+05:30

तिमीले,
सोचेका, बुझेका
अनि,
मलाई भनेका,
भन्दा पनी,
नभनेका,
कुराहरुले,
तिमीमा
विश्वास गर्ने मान्छे !

म,
केटा मान्छे !

प्रेमीहरु - premiharu

2011-08-19T00:19:00.001+05:30

सूर्य उदाएको,
मजा लुट्नेहरु
देख्नेहरु,
भाग्यमानी !

सूर्य अस्ताएको,
अनि,
चन्द्रमा उदाएको,
मजा लुट्नेहरु,
देख्नेहरु,
अझै भाग्यमानी !

आफ्नो,
अनि,
आफ्नाको,
मन
उदाएको, अस्ताएको,
अस्ताएको, उदाएको,
भोग्नेहरु
मजा,
सजा,
लुट्नेहरु,
सबभन्दा बढी भाग्यमानी !

प्रेमीहरु !

तस्बिर

2011-08-18T23:40:00.001+05:30

तिमी सँगका स-साना यादहरु,
गह्रौ छन्, भारि छन् |

ती,
मलाई थिच्न खोज्छन,
बिथोल्न खोज्छन,
रुवाउन खोज्छन |

म,
लट्ठिएको हुन्छु,
तिमीमा, यादमा |
मातमा !

त्यसपल,
तिम्रो तस्बिर मा,
इशारा गर्दै लोलाएका,
तिम्रा ती नयन,
म चुम्न चाहदो हुँ |

भविष्य (Bhabishya)

2011-08-13T13:51:00.001+05:30

भोली बिहान उठेर मैले के गर्ने होला?
छ महिना पछीको,
भोली बिहान उठेर मैले के गर्ने होला?
एक बर्ष पछीको,
भोली बिहान उठेर मैले के गर्ने होला?
दुई चार बर्ष पछीको,
भोली बिहान उठेर मैले के गर्ने होला?
अनि अल्ली निकै नै पछीको,
भोली बिहान उठेर मैले के गर्ने होला?

म,
र,
मेरो भविष्य,
मेरो हातमा छ रे |
अनि,
सबै प्रश्न हरुको उत्तर मसँग हुनु पर्छ रे |
उत्तर,
नभए खोज्नु पर्छ रे |
उत्तर,
नभेटे बनाउनु पर्छ रे |

मौनता

2011-08-13T13:41:00.001+05:30

मा,
स्वीकारोक्ति हुन्छ रे |
मा,
(आफ्नो) पन हुन्छ रे |
मा,
साथ हुन्छ रे |
हुन सक्ला |

तर,
जोश हुदैन रैछ |
अनि,
जागर र आश हुदैन रैछ |
र,
भरोषा हुन्न रैछ |

नबोलेको आफ्नो (पन) भन्दा,
त्यसैले,
प्यार-प्यार भएनी,
बोलेको,
अनि ठिक्क बोलेको राम्रो !

संस्कार

2011-08-13T13:34:00.001+05:30

हामी,
संस्कारको कुरा गर्छौँ |
कुरा गरेको,
पैसा पर्दैन नी त !

संस्कार मान्नु,
फलो गर्नु,
गारो कुरो !
बेग्लै कुरो !

आज

2011-08-13T00:50:00.003+05:30

हामी सुत्दैनौ होला !

सम्भावनामा,

बोल्दै छु !

यस्तरी कि,

मानौ,

हामी सुत्न बनाईएकै हैन |

आइतबार

2011-08-13T00:36:00.003+05:30

के गर्देई छौ ?

खुसी त छौ ?

कुरा सकिए !

अनि

हामी,

अब आउने कुनै आइतबारको कुरा गर्छौँ !

शुक्रबार नत्र,

सुत्न छाडेर,

गफ हानेर

को बस्थ्यो ?

जाबो

2011-08-13T00:32:00.003+05:30

तिमी जे भन,

जे बोल !

जब,

तिम्रो बोलाई,

अनि,

मैले मानेको,

तिम्रो सुन्दरताको,

मेरो लागी अर्थ रहेन,

भने !

सामान

2011-08-13T00:12:00.001+05:30

“देउ न |”
दिन्न !

”किन ?”
थाहा छैन !

बिदेशी म्यानेजर

2011-07-27T22:49:00.001+05:30

हामी,
बहाना खोज्छौं रे !

त्यस्तो गर्न,
यस्तो हुनु पर्छ |

यस्तो गर्न,
त्यस्तो हुनु पर्छ |

यस्तो नभए त्यस्तो गर्दिन |
त्यस्तो नभए यस्तो गर्दिन |

यथार्थ काम,
के हो ?
कस्तो हो ?
कसरि हो ?
हो कि हैन ?
केको चासो ?

[बिदेशीको नेपाली (डेभ्लपर्स) प्रतिको सोच]

शब्द अभाब

2011-07-27T11:22:00.001+05:30

प्रयत्न गर्दैछु,
लेख्दै, मेट्दै छु,
कुनै टुंगो,
दिन सकिरहेको छैन |

म,
यादहरु,
फिर्ता चाहन्छु |

म,
शब्दहरु,
फिर्ता चाहन्छु |

सिमसिमे पानी

2011-07-26T23:47:00.001+05:30

सिमसिम पानीमा,
थोपा गन्दै,
आकाश हेर्दै,
तिमी र म,
संगै भिजेको पल |

सोचहरु

2011-07-21T21:44:00.001+05:30

यो देशमा,
यो भेषमा,
टिक्नेहरुको हूल,
भिड जस्तो लाग्दैन |
कोलाहल लाग्दैन |
नसुहाउँदो लाग्दैन |
आफ्नो लाग्छ |

यहाँ
केहि सोच बिर्सिनु पर्नेछन्,
केहि त्याग्नु पर्नेछन्,
केहि बटुल्नु पर्नेछन् !
अनी,
केहि सोच बुन्नु पर्नेछन् |
त्यत्ति हो !

मान्छे

2011-07-21T20:59:00.001+05:30

हजार होलान,
नभए सय !
मान्छे छन् |

जो,
अरुका लागी,
बाँच्नु,
आफू बाँच्नु मान्छन् !

जो,
अरुका लागी,
हाँस्नु,
आफू हाँस्नु ठान्छन !

लेखक

2011-07-21T20:54:00.001+05:30

फुरेको बेला नलेख्नेहरु,
लेखक बन्दैनन |

नफुरेको बेला लेख्नेहरु,
लेखक बन्दैनन |

लेख्नका लागि लेख्नेहरु,
लेखक बन्दैनन |

बाँच्नका लागी लेख्नेहरु,
लेखक बन्दैनन |

बिज्ञ हुदैमा मान्छे,
लेखक बन्दैनन |

कलम समात्दैमा मान्छे,
लेखक बन्दैनन |

पिडामा लेख्दैमा, प्रेमी
लेखक बन्दैनन |

खुसीमा लेख्दैमा, प्रेमी
लेखक बन्दैनन |

नशामा लेख्दैमा मान्छे,
लेखक बन्दैनन |

लेख्दैमा मान्छे,
लेखक बन्दैनन |

#writer

आफ्नो कुरो

2011-07-21T20:09:00.001+05:30

म,
आफू नियाल्ने मान्छे !

निश्चिन्त,
मुहारमा उज्ज्यालो,
भान हुने कुरा हो |

मस्त छन्,
नयन,
लट्ठ छन्|

बोलीको सुर,
अर्कै सुनिन्छ,
मिठास छ रे |

कोहि राम्री लाग्नु,
त्यसैले आफ्नो कुरो !

सृजना

2011-06-28T01:33:00.001+05:30

चरप्प,
कलम समातेर,
बेस्सरी,
अफ्नो मनले,
कागजमा,
स्पर्श गराउंदा,
लाग्छ,
म,
कसैको आकृति माथी,
आफ्नो मन कुदाउदै छु,
म कसैका,
सम्पूर्ण आवरणहरु,
शब्दमा उतार्दै छु |

टाइप गर्दा,
शब्दहरु उछिट्टीन्छन,
मकैको घानबाट,
फ्याट्ट मकैको फुलो उछिट्टीए झैँ |
यसमा मजा होला,
नशा छैन |

मलाई,
मैले चुमेको,
आकृति कोर्नु छ,
मैले स्पर्स गरेको,
तन लेख्नु छ |
मलाई,
लट्ठ्याउने मन पोत्नु छ |

#thenobelers

मुर्ख

2011-06-28T01:12:00.001+05:30

हाम्रो,
हजुरबुबाको बाउले,
भन्नु हुन्थ्यो रे,
दु:ख नगरी सुख पाइंदैन |

अनी हाम्रो बुबाको बाउले,
भन्नु हुन्थ्यो रे
दु:ख नगरी सुख पाइंदैन |

अनी स्वयं बुबा,
भन्नु हुन्छ
दु:ख नगरी सुख पाइंदैन |

जब,
पुस्ताले,
त्यही एउटै कुरो,
भनेको भनै,
गर्छन भने,
जो दु:ख नगरी सुख खोज्छ,
त्यो मुर्ख हो |

ठोकेर भन्न सकिन्छ |

विगत

2011-06-28T00:52:00.001+05:30

विगत देखी,
भाग्न खोजेको हैन |
भबिष्य देखी डराएको पनी हैन |

तै,
अन्डो गर्न नमिल्ने,
बिगतहरु,
म,
एकतर्फी बिर्सेर मेट्दै छु |

अरु,
भुलाउन नसकेका,
बिगतहरु,
म,
एकतर्फी पिएर मेट्दै छु |

अरु,
जिउन नसकेका,
बिगतहरु,
म,
एकतर्फी जिएर मेट्दै छु |

बस्,
बाँकी,
केहि विगत,
म आफूसंगै लिएर हिड्ने,
झिनो,
लिप्सा गर्छु |

मानौँ,
ती विगत सँग,
मेरो भविष्यको,
मनिलो सम्बन्ध छ |

समस्या

2011-06-28T00:36:00.001+05:30

मान्छे,
जिन्दगीमा,
जम्मा दुइटा अवस्थामा,
हुन्छ |

समस्या पर्दा,
दुखी हुँदा,
लाग्छ,
आफू मात्र हो,
जो समस्यामा छ |

कसैलाई किन,
वास्ता होस् ?
जब सबै आ-आफ्नै,
ध्याउन्नमा मस्त छन् !
सबैको आफ्नो चटारो !
आफ्नो कुरो आफुसंग हुन्छ |

त्यस्तो कोहि भेटिन्न जो,
आफूलाई बुझ्न सकोस |
आफ्नो समस्याको अरुलाई के अर्थ ?
दुनियालाई जथानाम,
गाली गर्न सकिन्छ,
कुर्लिन सकिन्छ !
सालाहरु |

समस्या नपर्दा,
खुसी हुँदा,
लाग्छ,
संसारमा,
समस्या भन्ने चिज पनी,
छ र?

मानौं,
एकछिनको लागी,
संसार आफ्नो,
सबै आफ्ना |
मिठो बोली,
हसिलो चेहरा |
मिठा कुरा |
बस् |
यो पो हो त,
जिन्दगी !

यी दुबै अवस्थामा,
आफ्नो बोली,
वचन,
व्यवहार,
अनी आफ्नोपन,
जसले,
निस्वार्थ प्रस्तुत गर्न सक्यो,
जसले,
सहृदय आफूलाई समाल्न सक्यो,
जसले,
आफ्नो कर्तब्य बिर्सेन,
त्यो मान्छेलाई मेरो,
"सलाम साप !" , सुनाइदिनु |

मलाई,
त्यस्ता साहेब हरुसंग भेट्नु छ |
म केहि सिक्न चाहन्छु |

म,
जिन्दगी बाँचेको,
मजा लुट्न चाहने मान्छे !